Ásta Júlía – Náttúra

Ásta Júlía er kennari, fædd og uppalin á Sauðárkróki og var alltaf með blýant og liti á lofti sem barn og unglingur. Hún sótti hin ýmsu námskeið í Myndlistaskólanum á Akureyri á árunum 1980 -83 m.a hjá Helga Vilberg og Guðmundi Ármanni Sigurjónssyni. Hún hefur sótt ýmis námskeið í myndsköpun í gegn um árin og á árunum 2006 og 2007 stundaði hún nám í myndmenntakennaradeild KHÍ m.a. hjá Ásrúnu Tryggvadóttur og Jóni Reykdal. Undanfarin 15 ár hefur hún sótt námskeið við Myndlistaskóla Kópavogs m.a. hjá Birgi Rafni Friðrikssyni, Söru Vilberg, Svanborgu Magnúsdóttur, Halldóri Kristjánssyni.

Myndirnar eru allar olía á striga ýmist málaðar eftir humyndum úr kolli Ástu Júlíu eða eftir ljósmyndum sem hún hefur tekið á ferðum sínum um landið.

Þetta er fimmta einkasýning Ástu Júlíu en hún var með sýningu á Sæluviku Skagfirðinga vorið 2018, í Mosfellsdal í ágúst 2019 í tengslum við bæjarhátíðina „Í túninu heima“ í Bókasafni Kópavogs í febrúar 2020 og á Ljósanótt i Reykjanesbæ í september 2025. Hún hefur einnig tekið þátt í samsýningum t.d. nemendasýningum og sýningu Arion banka í strætóskýlum í Reykjavík en einnig hjá myndlistarfélögunum Litku og Grósku.

Opnun fimmtudaginn 5 feb. kl. 18.00 Öll velkomin.

astajuliah@simnet.is      Facebook: ÁJ málverk / paintings and graphics   S. 849 8039